Brunavarnir

Reyklosun

Reyklosun og hitalosun (RWA/SHEV) — stýrieiningar og gluggamótorar sem hleypa reyk og hita út við bruna.

Reyklosun og hitalosun (RWA/SHEV)

Reyklosun snýst um að hleypa reyk og hita út úr byggingu við bruna. Það heldur flóttaleiðum greiðum, lækkar hita í rýminu og gefur slökkviliði betri yfirsýn þegar það kemur að. Á ensku kallast þetta SHEV — Smoke & Heat Exhaust Ventilation.

Kerfið er tvennt: stýrieining sem vaktar og tekur ákvörðun, og mótorar sem opna glugga, lúgur eða reyklosunarop. Hjá Totus koma báðir hlutar frá Nekos á Ítalíu. Sama kerfið nýtist líka í daglega náttúrulega loftræstingu, svo búnaðurinn stendur ekki ónotaður milli brunaæfinga.

Gluggamótor heldur opnanlegu fagi opnu — reyklosun í háhýsi

Reyklosunarmótorar frá Nekos í hvítu, silfri og svörtu

SHEV stýritafla frá Nekos — opin, með varaaflgjafa og stýribúnaði

SHEV Stýrieiningar

Hjarta kerfisins er nett SHEV-3 (3 A úttak) og/eða SHEV-6 (6 A úttak) stjórntafla, þróuð í samræmi við staðal EN 12101, hluta 9 og 10.

Taflan inniheldur bæði aðal- og varaaflgjafa, auk allrar stýritækni sem þarf fyrir virkni 24V DC mótora sem tengdir eru kerfinu. Stýrieiningin virkjar mótorana bæði fyrir daglega loftræstingu og við eldsvoða.
Stýrieiningarnar bjóða upp á sértækar loftræstiaðgerðir (takmörkuð loftræsting, „deadman“-rofi og sjálfvirk loftræsting) sem notandi getur forritað eftir þörfum.
Við rafmagnsleysi tryggir neyðaraflgjafi að reyk- og hitaútsogskerfið haldist í rekstri í að lágmarki 72 klukkustundir.

Hvenær er reyklosunar krafist?

Kröfur um reyklosun koma úr byggingarreglugerð og brunahönnun hvers verkefnis. Þær eiga oftast við þar sem fólk er margt eða flóttaleiðir langar — í stigahúsum og lyftuhúsum, opnum anddyrum og verslunarrýmum, iðnaðar- og lagerhúsnæði, og bílakjöllurum.

Reyklosun og brunatjöld vinna saman

Brunatjöld hólfa rými og hefta útbreiðslu elds og reyks; reyklosun losar reykinn sem safnast fyrir. Í stærri byggingum eru þetta tvær hliðar á sömu brunahönnun og eru oftast leyst samhliða.

Vörur í boði

Nekos

SHEV Stýrieiningar

Hjarta kerfisins er nett SHEV-3 (3 A úttak) og/eða SHEV-6 (6 A úttak) stjórntafla, þróuð í samræmi við staðal EN 12101, hluta 9 og 10.

Skoða nánar →

Mótorar fyrir reyklosun

Mótorarnir eru skráðir undir Gluggamótorum, enda nýtast þeir bæði í reyklosun og daglega loftræstingu.

Nekos

Reyklosunarmótorar (SHEV)

Reyklosunarmótorar frá Nekos (SHEV — Smoke & Heat Exhaust Ventilation) opna glugga og lúgur sjálfkrafa við bruna svo reykur og hiti sleppi út. Auka öryggi og bæta flóttaleiðir í hótelum, verslunarmiðstöðvum, skrifstofum og iðnaðarhúsnæði. Prófaðir samkvæmt EN 12101-2.

Skoða í Gluggamótorar →

Nekos

Keðjumótorar

Rafdrifnir keðjumótorar frá Nekos opna og loka gluggum með sterkri stálkeðju sem skilar jöfnum, hljóðlátum og öruggum hreyfingum. Henta topp-, botn- og hlerahengdum gluggum, þakgluggum og kvistum — fyrir daglega loftun og sjálfvirka náttúrulega loftræstingu.

Skoða í Gluggamótorar →